E bleu pak ditë më parë, Mançester Siti huazon yllin e së ardhmes te Selltiku

Me një komunikatë të publikuar na faqen e vet zyrtare, klubi i Selltikut në Skoci ka bërë të ditur se ka marrë në formë huazimi nga Mançester Siti mesfushorin australian, Danil Arzani.

Bëhet fjalë për një huazim dyvjeçar të lojtarit, i cili ishte më i riu në moshë në Botërorin e Rusisë. Trajneri Guardiola e pëlqeu mesfushorin 19-vjeçar dhe kërkoi blerjen e tij.

Klubi ia plotësoi dëshirën, por hapësirat te Mançester Siti janë të pakta për aktivizimin e Arzanit dhe u vendos që ai të kalojë te Selltiku, ku mund të luajë më shumë. Ai ka një të ardhme të sigurt përpara dhe aktivizimi me Selltikun do ta ndihmojë të fitojë më shumë përvojë dhe më pas të jetë gati për Sitin, që e konsideron yllin e së ardhmes. / Vipsport.al