Sabatini “tradhton” Interin, kërkon tre futbollistë të zikaltërve te skuadra e re

Valter Sabatini ishte një ndër afrimet më të bujshme te Interi gjatë sezonit të kaluar, ku nga Roma, kaloi si drejtor sportiv të zikaltërve. Pas një sezoni jo të plotë në Milano, ai dha dorëheqjen duke mos shijuar as kualifikimin në Ligën e Kampionëve.

Pasi u largua nga Interi, Sabatini vendosi që të firmoste me Sampdorian, duke nisur menjëherë nga puna për skuadrën e sezonit të ardhshëm, ku do të synohet mesi i artë i tabelës e ndoshta më lart se aq.

Në listën e Sabatinit, bëjnë pjesë 3 futbollistë nga Interi, ku Ranokia, Santon dhe Karamoh shihen si lojtarë që mund të ndihmojë Sampdorian në arritjen e objektivave. Dy të parët, ndoshta edhe mund të shiten nga zikaltërit, ndërkohë që për Karamoh mund të jepet vetëm në formë huazimi, duke qenë se ai cilësohet si një talent me të ardhme. /Erjon Allaraj- Vipsport.al/