Joakim Lëv: Botërori? Spanja është favorite, ne nuk duhet ta imitojmë

Trajneri i Gjermanisë, Joakim Lëv, ka folur para ndeshjes miqësore përballë Spanjës. Ai shprehet se  është vetë një test dhe rezultati nuk do të thotë asgjë, ndërkohë që thur elozhe për Spanjën.

Ai ka folur edhe për Botërorin e Rusisë, ku ka treguar se Gjermania nuk është favorite kryesore, pavarësisht se është kampione në fuqi. Në konferencën për mediet, Lëv tha se edhe Spanja dikur ishte kampione, por në Botërorin e radhës nuk kaloi as grupin.

“Ndeshjet me Spanjën janë gjithmonë të bukura dhe të luftuara, por është vetëm një ndeshje miqësore dhe çdo trajner kërkon të shohë grupin. Spanja ka një ekip vërtet cilësor, duke qenë se lojtarët e saj luajnë me ekipet më të mëdha në Europë dhe them se janë favoritë për të fituar Kupën e Botës.

E di shumë mirë që ne jemi kampionët në fuqi, por kjo nuk do të thotë se ne jemi favoritët kryesorë për të fituar. Unë nuk dua që të jemi si Spanja. Mos harroni që Spanja fitoi Botërorin në vitin 2014, por në Brazil nuk arriti të kalonte as grupin dhe për këtë më vjen realisht shumë keq. Unë dua që të jemi pretendentë gjithmonë”, – u shpreh trajneri i Gjermanisë, Joakim Lëv. /Erjon Allaraj- vipsport.al/