VIDEO / Bajerni e fillon vitin ashtu siç e mbylli, me një sukses të thjeshtë

Bajern Mynih ka vazhduar serinë e fitoreve dhe arratinë në kampionatin gjerman të futbollit, duke treguar se pushimi për festat e fundvitit nuk ka ulur hovin e bavarezëve. Skuadra e drejtuar nga Jup Hejnkes ka triumfuar sot në ndeshjen e parë të javës së 19 të Bundesligës në fushën e Bajer Leverkusen me shifrat 3-1.

Martinez shënoi golin e avanatzhit në pjesën e parë ndërsa në të dytën Roberi tregoi se e meriton rinovimin e kontratës me një gol të shkëlqyer. Volland shkurtoi shifrat në minutën e 70 por goli i Rodriguez në fund të takimit mbylli çdo diskutim për fatin e ndeshjes.

Kësisoj, diferenca me ndjekësin më të afërt, Shalke, shkon në 14 pikë, duke bërë të qartë për të gjithë se Bundesliga në këtë sezon ka zgjidhur thuajse çdo gjë përsa i përket titullit. /vipsport.al/

more recommended stories